AQSh: Kalıfornııada maımyl shesheginiń órshýine baılanysty tótenshe jaǵdaı jarııalandy

NUR-SULTAN. QazAqparat - AQSh-tyń Kalıfornııa shtatynda maımyl shesheginiń órshýine baılanysty tótenshe jaǵdaı jarııalandy, dep habarlaıdy COVID-19 taralýyna jol bermeý jónindegi VAK baspasóz qyzmeti.

«Kalıfornııa gýbernatory maımyl shesheginiń órshýine baılanysty shtatta tótenshe jaǵdaı jarııalady. Bul shtattaǵy vaktsınatsııa sharalaryna yqpal etý úshin jasaldy» delingen habarlamada.

Kalıfornııa turǵyndaryn vaktsınatsııalaý sharasy koronavırýstyq pandemııa kezinde salynǵan ınfraqurylymda júrgiziledi. Shtat federaldy bılikten sheshekke qarsy vaktsınanyń 61 myńnan astam dozasyn aldy. Halyqqa 25 myńnan astam ekpe jasaldy.

Shilde aıynyń sońynan bastap bılik aptasyna 1 myńǵa jýyq testini tekserýde. Amerıkalyq aýrýlardy baqylaý jáne olardyń aldyn-alý federaldyq ortalyqtarynyń derekteri boıynsha, shtatta maımyl sheshegin juqtyrýdyń 827 jaǵdaıy tirkelgen.

Foto: www.france24.com