AQSh: Kalıfornııa shtatyna aýyzsý jetispeýshiligi qaýpi tónip tur
ASTANA. QazAqparat - Amerıkandyq Kalıfornııa shtatynyń sý qorlaryn basqarý mekemesi qurǵaqshylyq saldarynan jergilikti barlyq tutynýshylardy sýmen qamtamasyz ete almaıtynyn jarııalady, dep habarlady Bı-Bı-Sı.
Bul jaǵdaı osy basqarma jumys jasaı bastaǵan 1967 jyldan beri alǵash ret paıda bolyp otyr.
Kalıfornııa shtatynyń gýbernatory Djerrı Braýnnyń aıtýynsha, «jarııalanǵan aqparat Kalıfornııany qurǵaqshylyq jaılaýynan habar beredi». Budan eki apta buryn Braýn shtattaǵy qurǵaqshylyqqa baılanysty tótenshe jaǵdaı jarııalap, halyqty sýdy únemdep paıdalanýǵa shaqyrǵan bolatyn.
Basqarmanyń ortalyqtandyrylǵan sýmen qamtý júıesine shtat halqynyń úshten ekisi - 25 mln.-ǵa jýyq adam jáne 400 myń gektar aýyl sharýashylyǵy alqaby táýeldi. Kalıfornııanyń sý qoımalarynda onyń deńgeıi eń tómen mejege jaqyndady. Sınoptıkter 2014 jyl Kalıfonııa úshin baqylaýdyń barlyq kezindegi eń qurǵaq jyl bolady degen boljam jasaýda.
