AQSh-qa zańsyz barǵan mıgranttar kepildikpen bosatylý múmkindigin paıdalana almaıdy

ASTANA. KAZINFORM – AQSh-ta zańsyz júrgen mıgranttar olardy deportatsııalaý máselesi sheshilmeıinshe, kepildikpen bosatylý múmkindigin paıdalana almaıdy, dep habarlaıdy Kazinform agenttiginiń menshikti tilshisi News.am-ge silteme jasap.

Mıgratsııa jáne keden polıtsııasy basshylarynyń óz vedomstvolaryna joldaǵan jańa erejesi AQSh-tyń Ádilet mınıstrligi men Іshki qaýipsizdik mınıstrliginiń zańsyz mıgranttardy kepildikpen bosatýǵa qatysty saıasatynyń ózgergenin kórsetedi.

Qoldanystaǵy zańnamada zańsyz kelgen mıgrantardy deportatsııalaý máselesi sheshilgenshe, arnaıy ortalyqtarda ustaý máselesi qarastyrylǵan. Alaıda tájirıbede ol osy kúnge deıin tek AQSh-qa kelgennen keıin zań buzǵan adamdarǵa qatysty ǵana qoldanylyp kelgen.

Aýyr qylmys jasaǵan mıgranttarǵa da kepildikpen bosatylýǵa tyıym salynǵan.

Endi osy zań AQSh-ta bolý merzimine qaramastan barlyq mıgranttarǵa qatysty qoldanylatyn bolady. Keı jaǵdaıda eshqaıda ketpeý týraly qolhatpen jiberilýi múmkin, biraq bul másele boıynsha sheshimdi sot emes ımmıgratsııa ofıtseri qabyldaıdy. Deportatsııalaý isine, apppelıatsııany qosqanda birneshe kún ketýi múmkin.

Quqyq qorǵaýshylar sottardyń el kóleminde kepildikpen bosatý boıynsha tyńdaýlardan bas tartyp jatqanyn rastady. Mıgratsııa jáne keden polıtsııasy AQSh-ta barlyǵy 200-den astam mıgranttardy ustaý ortalyqtaryn basqarady.

Osyǵan deıin Tramptyń zańsyz mıgranttardy «óz erkimen elden shyǵarý» baǵdarlamasyn iske qosqany týraly jazdyq.