AQSh-qa qalyń qar tústi
ASTANA. Jeltoqsannyń 20-sy. QazAqparat - AQSh-tyń shyǵys jaǵalaýlarynda jaýǵan qalyń qardan bes adam mert boldy.
Vashıngtondaǵy qozǵalys toqtap qaldy, kóptegen avıareıster keıinge qaldyryldy, dep habarlaıdy QazAqparat Bı-Bı-Sı saıtyna silteme jasap.
Keıbir aımaqtardaǵy qardyń qalyńdyǵy 60 santımetrge jetken, bul sońǵy 10 jyl ishindegi eń qatty jaýǵan qar bolyp otyr.
Bes adam qar boranynyń qurbany boldy.
Tórt shtatta kólik júıesi tolyqtaı isten shyqqan. Vırdjınııanyń, Merılendtiń, Batys Vırdjınııanyń jáne Delaverdiń gýbernatorlary, sondaı-aq Vashıngtonnyń meri tótenshe jaǵdaı jarııalady.
