AQSh Izraılge 12 myń áýe bombasyn satýdy maquldady

ASTANA.KAZINFORM- AQSh Memlekettik departamenti juma kúni Izraılge oq-dáriler men onymen baılanysty jabdyqtardy, sonyń ishinde 12 myń áýe bombasyn satý týraly kelisimdi maquldaǵanyn habarlady, dep jazady Sınhýa.

- Kelisim shamamen 151,8 mıllıon dollardy quraıdy,- delingen departament málimdemesinde.

Izraıl 12 000 BLU-110A/B jalpy maqsattaǵy 1000 fýnttyq áýe bombasyn satyp alýdy suraǵan.

- Usynylǵan kelisim Izraıldiń qazirgi jáne bolashaq qaýipterge qarsy turý qabiletin arttyrady, eldiń qorǵanysyn nyǵaıtady jáne aımaqtyq qaýipterge tosqaýyl bolady, - delingen málimdemede.

Aıta keteıik, 28 aqpanda AQSh pen Izraıl Iranǵa jappaı shabýyl jasap, Joǵarǵy kósem Álı Hameneıdi, birneshe joǵary laýazymdy áskerı qolbasshylardy jáne júzdegen beıbit turǵyndardy óltirdi. Iran aımaqtaǵy Izraıl men AQSh nysandaryna birneshe zymyran jáne dron shabýyldarymen jaýap berdi.

Osyǵan deıin Izraıldiń Tegeranǵa taǵy da soqqy bergeni týraly jazdyq.