AQSh Izraıldiń Gazamen shekarasynda áskerı baza salý josparyn qarastyryp jatyr
ASTANA.KAZINFORM - Jańa baza myńdaǵan amerıkalyq áskerdi ornalastyra alady jáne Gazadaǵy jaǵdaıdy turaqtandyrý úshin paıdalanylady, dep habarlaıdy Kazinform agenttiginiń menshikti tilshisi.
AQSh Izraıldiń Gaza sektoryna irgeles shekaralas aımaqtarynda úlken áskerı baza salýdy kózdep otyr. Bul týraly Yedioth Ahronoth basylymymen birge
Bul týraly ızraıldik kommertsııalyq emes Shomrim basylymynyń Yedioth Ahronoth gazetimen birlesip júrgizgen tergeýi málimetterinde habarlandy.
Izraıl derekkózderiniń málimetinshe, joba shamamen 500 mıllıon dollarǵa túsýi múmkin, al nysan Izraıl men HAMAS arasyndaǵy atysty toqtatý rejımin saqtaýǵa qatysatyn birneshe myń AQSh jáne halyqaralyq áskerdi ornalastyrady.
Basylymnyń málimetinshe, bazanyń ornalasýy boıynsha kelissózder AQSh pen Izraıl bıligi arasynda júrgizilip jatyr, sondaı-aq qurylys júrgiziletin alańdar jaıy talqylanyp jatyr.
Buǵan deıin, qazan aıynyń sońynda, Izraıldiń ońtústigindegi Kırıat Gate jańa Azamattyq-áskerı úılestirý ortalyǵy (CMCC) ashyldy. Ol Gazadaǵy gýmanıtarlyq kómektiń taralýyn baqylaýdy óz moınyna alady, bul Izraıldiń Aýmaqtaǵy úkimettik qyzmetti úılestirý basqarmasynyń (COGAT) rólin azaıtady.
Qazirgi ýaqytta onda basqa elderdiń ókilderimen birge shamamen 200 amerıkalyq áskerı qyzmetker jumys isteıdi. Olardyń mindeti - Gaza sektoryndaǵy atysty toqtatý týraly kelisimniń oryndalýyn baqylaý.
Yedioth Ahronoth basylymy jańa baza Izraıldegi alǵashqy iri amerıkalyq áskerı nysan jáne Vashıngtonnyń soǵystan keıingi Gaza sektoryn turaqtandyrý jónindegi kúsh-jigeriniń bir bóligi bolatynyn naqtylady.
- Izraıl aýmaǵynda amerıkalyq bazanyń qurylýy Vashıngtonnyń Gazada bolyp jatqan protsesterge jáne aýqymdy Izraıl-Palestına qaqtyǵysyna tikeleı qatysýǵa degen sheshimin kórsetedi, - dedi ızraıldik sheneýnik Shomrim basylymyna.
Amerıka jaǵy bul aqparatqa áli resmı túrde túsinik bergen joq.
Izraıl BAQ-tarynyń habarlaýynsha, bul bastama AQSh-ta pikirtalas týdyrýy múmkin, onda keıbir zań shyǵarýshylar ishki bıýdjet shekteýlerine baılanysty shetelge ásker jiberý máselesine alańdaýshylyq bildirdi.
Gazada qurylatyn halyqaralyq kúshke qaı elderden áskerıler tartylady.