AQSh: «Islam memleketi» hımııalyq qarý qoldanǵan bolýy múmkin
ASTANA. QazAqparat - AQSh bıligi «Islam memleketi» sodyrlarynyń hımııalyq qarý qoldanǵany týraly habarlamalardy zerttep jatyr. Bı-bı-sı tilshisi Lora Bıkerdiń habarlaýynsha, Germanııanyń qorǵanys mınıstrligi 60 kúrd jaýyngeri IM kúshteriniń osy aptada jasaǵan shabýylynan keıin tynys músheleriniń zaqymdanǵany týraly málimdeme jasady.
Nemistiń resmı tulǵalary «Islam memleketi» sol kezde hımııalyq qarý qoldandy dep boljap otyr.
AQSh qorǵanys mınıstrliginiń ókili Bı-bı-sı agenttigine qysha gazy (ıprıt atymen belgili ýlandyrǵysh zat) qoldanylýy múmkin dep shamalap otyrǵanyn aıtty.
Qysha gazy - tyıym salynǵan hımııalyq qarý, ol teri jaralary, soqyrlyq jáne tynys joldarynyń zaqymdanýyna ákelip soqtyrady.
AQSh Ulttyq qaýipsizdigi keńesiniń baspasóz hatshysy Alıster Baskı vedomstvonyń jaǵdaıdy baqylaýyn jalǵastyryp, jańa aqparatty izdestirip otyrǵanyn málimdedi.
