AQSh: Іri kesirtkeler turǵyndardy shoshytyp otyr
ASTANA. QazAqparat - Florıda shtatynyń batys bóliginde Latyn Amerıkasynda kezdesetin kesirtkeniń bir túri - tegý qaptap ketti, dep habarlady ITAR-TASS
Seısenbi kúni CNN arnasy habarlaǵandaı, shaqyrylmaǵan qonaqtar qorshaǵan ortaǵa orny tolmas zııanyn tıgizýi yqtımal. Olar qustar, jumyrtqalar, kishigirim janýarlarmen jáne ósimdiktermen qorektenedi.
Jalpy tegýdiń 6 túri bar. Onyń tórteýi Florıdada baıqalyp otyr.
Іshterindegi asa irileri - aq-qara kesirtkeler. Olardyń uzyndyǵy 1,4 m, al salmaǵy 5 kelige jetedi. Sondaı-aq jyldam jorǵalaýmen qatar jaqsy júze de alady. Tegý Florıdanyń jyly klımattyq jaǵdaıynda tez kóbeıip, bir rette 36 jumyrtqa salady.
Shtattaǵy jabaıy tabıǵat departamentiniń mamandary kesirtkeler tasqynyn toqtatý joldaryn izdestirýde.
