AQSh Irannyń ǵaryshqa zymyran ushyrý áreketin «arandatýshylyq» dep atady
ASTANA. Aqpannyń 5-i. QazAqparat - Irannyń sársenbi kúni ǵaryshqa el tarıhyndaǵy úshinshi zymyranyn ushyrý áreketin AQSh arandatýshylyq dep sanaıdy.
Bul týraly jýrnalısterge arnalǵan brıfıngte Aq úıdiń baspasóz hatshysynyń orynbasary Bıll Berton málim etti, dep habarlaıdy ITAR-TASS agenttigi.
Onyń aıtýynsha, ishine tyshqan, tasbaqa jáne qurt salynǵan bıokapsýlasy bar «Kaveshgıar-3» («Zerteýshi-3») zymyranynyń ǵaryshqa ushyrylǵany týraly Iran tarapynyń aqparatynan Aq úı habardar. «Olardyń shyndyqqa sáıkes ekenin tekserý úshin, biz ol habardy áli tekserip jatyrmyz», deıdi Berton. Onyń aıtýynsha, «mundaı ushyrý saparlary, sózsiz arandatýshylyq áreket bolyp tabylady».
Irannyń orbıtaǵa ǵaryshtyq spýtnıkterdi shyǵarýǵa arnalǵan «Kaveshgar-3» zymyranyn synaqtan ótkizgenin QazAqparat budan buryn habarlaǵan bolatyn.
