AQSh Irannyń Hormozgan provıntsııasyndaǵy Hadjıabad qalasyna soqqy jasady
ASTANA. KAZINFORM – AQSh Ormýz buǵazy mańynda ornalasqan Irannyń Hormozgan provıntsııasyndaǵy Hadjıabad qalasyna soqqy jasady, dep habarlaıdy Anadolý agenttigi.
Irannyń Tasnim aqparat agenttiginiń habarlaýynsha, «shamamen saǵat 02:10-da qarsylas tarap – AQSh Hadjıabad qalasy aýdanynda áskerı shabýyl jasady».
Agenttik málimetine sáıkes, soqqy saldarynan beıbit turǵyndar arasynda qurbandar tirkelmegen. Sondaı-aq turǵyn úı nemese kommertsııalyq ınfraqurylymnyń búlingeni týraly aqparat joq.
Ormýz buǵazynyń jaǵalaýynda ornalasqan Hormozgan provıntsııasy sońǵy kúnderi AQSh-tyń birneshe márte jasaǵan soqqylarynyń nysanyna aınaldy.
Buǵan deıin AQSh Qarýly kúshteriniń Ortalyq qolbasshylyǵy (CENTCOM) Iranǵa qarsy jańa soqqylar serııasynyń bastalǵanyn málimdegen bolatyn. Osy málimdemeden keıin Hormozgan provıntsııasynda ornalasqan Sırık qalasyna da shabýyl jasalǵany týraly aqparat tarady.
Eske sala keteıik, keshe elimizdiń munaıy tıelgen eki tankerge dron shabýyl jasady.
Qazaqstan Kaspıı qubyr konsortsıýmy (KQK) arqyly munaı tasymaldaǵan azamattyq kemelerge jasalǵan shabýyldy qatań aıyptady.
