AQSh Irannyń birneshe katerin joıǵanyn rastady
ASTANA. KAZINFORM – AQSh Iranǵa tıesili birneshe katerdi joıǵanyn málimdedi dep habarlaıdy, BBC News.
Dúısenbi kúni AQSh tarapy Irannyń birneshe kateri joıylǵanyn rastady. Al Birikken Arab Ámirlikteri bıligi elge qarsy shabýyl jasalǵanyn málimdedi.
4 sáýirde amerıkalyq áskerı kemeler Ormýz buǵazy aımaǵyna kirgennen keıin, Donald Tramp Iran «qaqtyǵysqa qatysy joq birqatar elderge soqqy jasaǵanyn» aıtty. Onyń sózinshe, zardap shekkenderdiń qatarynda Ońtústik Koreıa kemesi de bar.
Tramp basqa memleketterdi aımaqtaǵy teńiz saýdasynyń qaýipsizdigin qamtamasyz etý úshin AQSh-qa belsendirek qoldaý kórsetýge shaqyrdy.
– Múmkin, Ońtústik Koreıa úshin bul mıssııaǵa qosylatyn ýaqyt kelgen shyǵar, – dedi ol.
AQSh prezıdentiniń aıtýynsha, amerıkalyq áskerıler Irannyń jeti shaǵyn áskerı katerin atqylap toqtatqan. Buǵan deıin amerıkalyq admıral alty kater joıylǵanyn málimdegen, alaıda Tegeran bul aqparatty joqqa shyǵarǵan.
Sonymen qatar Fýdjeıra aımaǵyna drondar men zymyrandar arqyly jasalǵan shabýyldar týraly málimetterden keıin, Ámirlikter bıligi Iran tarapynan bolǵan jańa soqqylardy qaqtyǵystyń aıtarlyqtaı ýshyǵýy dep baǵalady. El basshylyǵy jaýap qaıtarý quqyǵyn ózinde saqtaıtynyn málimdedi.
Aıta keteıik, BAÁ Irannyń áýeden shabýyl jasaǵanyn habarlady.
