AQSh Irannyń 6 mıllıard dollar aktıvterin bosatýǵa daıyn – Reuters
ASTANA. KAZINFORM – Islamabadtaǵy kelissózder kezinde AQSh tarapynan jeńildik sıgnaldary baıqaldy, dep habarlaıdy Kazinform agenttiginiń tilshisi.
Amerıka Qurama Shtattary Qatardaǵy jáne basqa da sheteldik bankterdegi ırandyq aktıvterdi bosatýǵa kelisti, dep habarlaıdy Reuters joǵary laýazymdy ırandyq derekkózge silteme jasap.
Bul qadam Tehranda senbi kúni Pákistan astanasynda bastalatyn kelissózderde Vashıngtonnyń kelisimge kelýdegi «baıyptylyǵynyń» belgisi retinde qarastyrylyp otyr.
Derekkóz bul sheshimniń Ormýz buǵazy arqyly qaýipsiz navıgatsııany qamtamasyz etý máselesine tikeleı qatysty ekenin, bul aldaǵy kelissózderdiń negizgi taqyryptarynyń biri bolatynyn túsindirdi.
Degenmen, AQSh-tan qarajatty bosatý múmkindigine qatysty resmı málimdemeler bolǵan joq.
Reuters silteme jasaǵan ekinshi ırandyq derekkózdiń aıtýynsha, bul qarajat buryn buǵattalǵan, shamamen 6 mıllıard dollardy quraıdy. Atalǵan qarajat Qatar bankterine 2023 jyly Doha deldaldyǵymen AQSh pen Iran arasyndaǵy tutqyndardy aýystyrý kelisiminiń bóligi retinde aýdarylǵan.
As the Islamabad Talks commenced today, the Prime Minister of Pakistan, Muhammad Shehbaz Sharif held a meeting with His Excellency JD Vance, Vice President of the United States of America.
— Government of Pakistan (@GovtofPakistan) April 11, 2026
The U.S. Vice President was assisted by Special Envoy Steve Witkoff and Mr. Jared Kushner.… pic.twitter.com/e67UzIPc5f
Irannyń Ońtústik Koreıaǵa munaı satýynan túsken qarajat bastapqyda 2018 jyly Donald Tramptyń birinshi merzimi kezinde AQSh sanktsııalaryn qalpyna keltirgennen keıin toqtatyldy. 2023 jyly AQSh ákimshiligi bul qarajatty tek gýmanıtarlyq maqsattarǵa — AQSh Qarjy mınıstrliginiń qadaǵalaýymen azyq-túlik, dári-dármek jáne medıtsınalyq qural-jabdyqtardy satyp alý úshin paıdalanǵan jaǵdaıda ishinara bosatýǵa kelisti.
Alaıda, 2023 jyldyń 7 qazanynda Hamastyń Izraılge jasaǵan shabýylynan keıin AQSh ákimshiligi Irannyń jaqyn bolashaqta olardy paıdalana almaıtynyn jáne Vashıngtonnyń aktıvterdi tolyǵymen buǵattaý quqyǵyn saqtap qalǵanyn aıtyp, bul qarajatqa qol jetkizýge taǵy da tosqaýyl qoıdy.
Juma kúni Irannyń IRGC-men baılanysqan Telegram arnasy Amerıka Qurama Shtattarynyń Irannyń 6 mıllıard dollardy buǵattalǵan aktıvterin bosatýǵa ruqsat bergenin jáne Qatar men Koreıa sheneýnikteri aqshany birneshe kún ishinde Iranǵa aýdarý úshin jumys istep jatqanyn habarlady.
Arrival of the delegation of the Islamic Republic of Iran for Islamabad Talks pic.twitter.com/aJYU9cx5t2
— Ministry of Foreign Affairs - Pakistan (@ForeignOfficePk) April 10, 2026
Sonymen qatar senbide AQSh sheneýnigi CBS News-ke bergen túsiniktemesinde aktıvterdi toqtatý múmkindigi týraly aqparatty joqqa shyǵardy. Onyń aıtýynsha, AQSh mundaı qadamǵa kelispedi.
JD Vance has landed in Pakistan. This time, Asim Munir is wearing a suit while welcoming him; previously, he wore a military uniform when welcoming the Iranian delegation. pic.twitter.com/hrCDDC6gdB
— Clash Report (@clashreport) April 11, 2026
Aıta keteıik, Taıaý Shyǵystaǵy shıelenisti dıplomatııalyq jolmen retteýge baǵyttalǵan mańyzdy qadam jasaldy. AQSh prezıdenti Donald Tramp Iranǵa soqqylardy ýaqytsha toqtatýǵa daıyn ekenin málimdegennen keıin, resmı Tegeran eki aptalyq bitim sharttaryn qabyldady. Osy oraıda Iran men AQSh arasyndaǵy atysty toqtatý týraly kelissózder senbi kúni Islamabadta ótetinin buǵan deıin habarlaǵan edik.
