AQSh Irannan Washington Post basylymynyń tilshisin bosatýdy talap etti
ASTANA. QazAqparat - AQSh úkimeti «Washington Post» basylymynyń tilshisin «tyńshylyq jasady» dep aıyptap otyrǵan Tegeran áreketin «aqylǵa syıymsyz» dep atady, dep jazady Bı-bı-sı agenttigi.
AQSh-tyń da, Irannyń da azamattyǵyn alǵan Djeıson Rezaıan 9 aı buryn Tegeran qalasynda tutqyndalǵan bolatyn. Oǵan tyńshylyq jasady degen aıyppen qatar, Iranǵa jaýlyq qylǵan elmen baılanysty degen de kiná taǵylǵan. AQSh memlekettik departamenti ókiliniń málimdemesine súıensek, Iran AQSh basylymynyń tilshisine qandaı aıyp taǵylǵany týraly Vashıngtonǵa naqty resmı aqparat bergen joq. Aq úı jýrnalısti tez bosatýdy talap etti. Rezaıannyń advokaty prokýratýra onyń kináli ekenine naqty aıǵaqtar tapqan joq dep málimdeme jasady.
