AQSh Iranǵa taǵy shabýyl jasaýy múmkin
ASTANA. KAZINFORM — Seısenbi kúni Donald Tramp AQSh Iranǵa taǵy shabýyl jasaýy múmkin ekenin málimdedi, dep habarlaıdy CNBC.
Aq úıde ótken baspasóz otyrysynda AQSh prezıdenti Iranǵa shabýyl jasaýǵa oqtalǵanyn aıtty. Tramptyń aıtýynsha, sheshimdi qabyldaýǵa bir saǵat qalǵan kezde ol oıynan aınyǵan.
— Biz bul qadamǵa barýǵa daıyn boldyq. Shabýyl sol sátte-aq bastalýǵa tıis edi, — dedi ol.
Bul týraly Tramp Tegeran usynǵan beıbit kelisim boıynsha usynystan keıin málimdedi. Onyń sózinshe, kelisimge qol qoıylmasa AQSh birer kúnde shabýyldy jalǵastyrady.
— Eki-úsh kúnde, ne juma, senbi, ıa jeksenbige deıin kelisimge kele almasaq, AQSh Iranǵa qaıta shabýyl jasaıdy, — dedi ol.
Sarapshylardyń pikirine sáıkes, qos tarap ta qaqtyǵysty jalǵastyrýǵa qulyqty emes, biraq olar bir-biriniń aldynda bas ıgisi kelmeıdi.
— Eki tarap ta ortaq sheshimge kelý úshin jumys isteýden qashqaqtaıdy. Iran da, AQSh ta soǵysty jalǵastyrǵysy kelmeıdi, sol úshin de qazir másele tyǵyryqqa tirelgen. Bul tyǵyryqtan shyǵýdyń joly áli eshkimge belgisiz, — dedi Chatham House sarapshysy Neıl Kýılıam.
Aıta keteıik, taıaýda Iran Tramptyń qoqan-loqysyna qaramastan AQSh-pen kelissóz júrgizetinin málimdedi. Buǵan deıin AQSh Senaty 7-tyńdalymda Irandaǵy soǵysty toqtatýǵa qatysty rezolıýtsııany maquldady.
Aıta ketelik Tramp Iranǵa josparlanǵan shabýyldy toqtatqan edi.
Aýdarǵan: Darııa Ǵumar
