AQSh Iranǵa kezekti áýe soqqylaryn aıaqtady
ASTANA. KAZINFORM – AQSh áskeri Iran aýmaǵyndaǵy nysandarǵa baǵyttalǵan kezekti aýqymdy áýe soqqylaryn aıaqtady, dep habarlaıdy TASS.
AQSh Qarýly kúshteri Ortalyq qolbasshylyǵynyń (CENTCOM) málimetinshe, operatsııa AQSh-tyń shyǵys jaǵalaýy ýaqyty boıynsha saǵat 21:40-ta aıaqtalǵan.
– AQSh Ortalyq qolbasshylyǵy Iranǵa jasalǵan kezekti aýqymdy soqqylar legin aıaqtady. AQSh Qarýly kúshteri Irannyń ondaǵan áskerı nysanyn, sonyń ishinde jaǵalaýdy baqylaý jáne áýe shabýylyna qarsy qorǵanys júıelerin, áskerı-logıstıkalyq ınfraqurylymdy jáne áskerı-teńiz kúshteriniń obektilerin nysanaǵa aldy, – delingen CENTCOM-nyń X áleýmettik jelisindegi habarlamasynda.
Málimetke sáıkes, operatsııa barysynda joıǵysh ushaqtar, ushqyshsyz ushý apparattary, áskerı kemeler jáne joǵary dáldiktegi oq-dáriler qoldanylǵan.
Aıta keteıik, Iran úsh eldegi AQSh áskerı nysandaryna soqqy bergenin jarııalady.
