AQSh Iranǵa qatysty jańa sanktsııalar engizdi
ASTANA. KAZINFORM – AQSh Qarjy mınıstrligi Iranmen baılanysty toptarǵa qoldaý kórsetip, sanktsııalyq shekteýlerdi aınalyp ótýge kómektesip otyrǵan tulǵalar men kompanııalarǵa sanktsııa saldy, dep habarlaıdy AQSh Qarjy mınıstrligi.
Sanktsııalar tizimine 14 jeke tulǵa men bes kompanııa engizildi. Shekteýler Irak, Lıvan, BAÁ jáne Túrkııamen baılanysty tulǵalar men uıymdarǵa qatysty boldy.
Sonymen qatar AQSh Qarjy mınıstrligi Iranǵa qatysty arnaıy lıtsenzııa berýge arnalǵan ótinimderdi qaraý tártibin qatańdatqanyn habarlady. Vedomstvo saıtynda jarııalanǵan qujatqa sáıkes, endi mundaı lıtsenzııalardy berýden bas tartý qaǵıdaty qoldanylady.
Zań talap etetin jaǵdaılarda, sondaı-aq adam ómirine, densaýlyǵyna nemese ekologııalyq qaýipsizdikke qater tóngen kezde ǵana erekshelik qarastyrylǵan.
Buǵan deıin AQSh Iranǵa qatysty operatsııalarǵa baılanysty túrik bankine sanktsııa salǵany habarlanǵan bolatyn.
Aıta ketelik segiz musylman eli Ulybrıtanııanyń Izraılge qarsy sanktsııasyn qoldady.
