AQSh Iranǵa qarsy jańa sanktsııalar engizdi
ASTANA. 1 jeltoqsan. QazAqparat - Aq úı ıadrolyq qarý jasaýda dep kúdik keltirilip otyrǵan Iranǵa qarsy jańa sanktsııalar engizilgenin jarııa etti.
AQSh Qarjy mınıstrligi «qara tizimge» taǵy birneshe jeke jáne zańdy tulǵany, atap aıtqanda Irannyń Bank Mellat memlekettik bankimen jáne eldiń Keme qatynastary jelilerimen baılanysty 10 ırandyq kompanııany jáne osy fırmalardy basqarýshy bes jeke tulǵany engizdi, dep habarlaıdy RBK agenttigi. Olardyń AQSh-tyń qaramaǵyndaǵy qarjy mekemelerindegi esepshottardy jaýyp tastalady.
«Iran, óziniń zańsyz qyzmetin jasyrý úshin, astyrtyn kompanııalardy jáne almasýdyń basqa ádisterin paıdalanyp keledi. Biz AQSh-tyń sanktsııalarynan jáne halyqaralyq sanktsııalardan bultaryp otyrǵan Irannyń osyndaı zańsyz áreketterine tosqaýyl qoımaqpyz», - dep málim etti AQSh Qarjy mınıstriniń lańkestik jáne qarjylyq barlaý máseleleri jónindegi orynbasary Stıýart Levı.
Esterińizge sala keteıik, Irannyń ıadrolyq baǵdarlamasyna tosqaýyl qoıýǵa baǵyttalǵan sharalardyń aıasynda AQSh-tyń Qarjy mınıstrligi ótken aıda Germanııa, Malta, Kıpr elderinde tirkelgen 37 kompanııaǵa sanktsııa salǵan bolatyn. Zańdy tulǵalarmen qosa, Eýropada turatyn taǵy bes ırandyq azamattyń da esepshottary jaýyp tastalǵan edi. «Atalǵan fırmalar men tulǵalardyń Irannyń keme qatynasy kompanııalaryna nemese onymen affılırlengen qurylymdarǵa qatysy bar», dep málim etedi amerıkandyq fınıstrliktiń ókilderi.
Aq úıdiń pikirinshe, Irannyń Keme qatynastary kompanııasy jappaı qyryp-joıatyn qarýdyń zańsyz óndirisin damytý úshin qarý-jaraqtar nemese júkter tasymaldap otyr.
