AQSh Iranǵa qarsy kezekti sanktsııalar býmasyn ázirleýde
ASTANA. 25 shilde. QazAqparat - Sanktsııalar rejımin qataıtý bastalǵannan beri Iranda munaı óndirý kólemi táýligine 1 mln. barrelge azaıdy, dep habarlady vestifinance.ru.
Kongressmender 2015 jylǵa qaraı Iran munaıy eksportyn tolyq jabýdy kózdeıtin sharalardy ázirleýde. Buǵan qosa, Irannyń ken óndirý jáne qurylys sektorlary kásiporyndaryn qara tizimge engizý múmkindigi qaralýda.
Jańa sharalar býmasyn kongressmender tamyz kanıkýlyna deıin maquldaýy múmkin, bul eldiń jańa prezıdenti Hasan Roýhanıdiń ınaýgýratsııasy bastalǵanǵa deıin eshqandaı belsendi is-qımyl jasamaýǵa beıildi Aq úıdiń alańdaýshylyǵyn týǵyzýda.
Buǵan deıin Irandaǵy munaı óńdeýdiń eń tómengi deńgeıi 2012 jylǵy qyrkúıekte - kúnine 2,63 mln. barrel bolǵan edi. Bul 1991 jyldan bergi eń tómengi kórsetkish. Halyqaralyq energetıkalyq agenttiktiń baǵalaýlary boıynsha, sáýir aıynda óndirý kólemi kúnine 2,65 mln. barrel boldy.
Aldyn ala baǵalaýlar boıynsha mamyr aıynda óndirý kúnine 2,5 - 2,6 barrelge deıin quldyrady. Bul 1989 jyldan bergi munaı óndirý kóleminiń eń tómengi kórsetkishi. 2011 jyldyń basynda AQSh pen EO tarapynan Irannyń munaı ónerkásibine qarsy sanktsııalardy qataıtý rejımi bastalǵanǵa deıin Islam Respýblıkasynda munaı óndirý kólemi kúnine 3,5 mln.barreldi quraǵan bolatyn.
