AQSh Iranǵa qarsy soqqylarynyń úshinshi kezeńi bastalǵanyn málimdedi
ASTANA. KAZINFORM — AQSh Iran aýmaǵyna jasalǵan áskerı soqqylardyń úshinshi kezeńi bastalǵanyn habarlady, dep jazady reseılik TASS.
Málimetke sáıkes, jańa áskerı operatsııa Ormýz buǵazyndaǵy oqıǵadan keıin bastalǵan.
AQSh Qarýly kúshteriniń AQSh QK Ortalyq qolbasshylyǵynyń málimetinshe, amerıkalyq áskerıler Iranǵa qarsy soqqylardyń kezekti legin bastaǵan.
-AQSh-tyń shyǵys jaǵalaýy ýaqyty boıynsha saǵat 19:15-te (Astana ýaqytymen 13 shilde saǵat 04:15) CENTCOM kúshteri Iranǵa qarsy soqqylardyń úshinshi kezeńin bastady, — delingen H áleýmettik jelisinde jarııalanǵan habarlamada.
Barak Ravid málimetinshe, shabýyldar Irannyń Islam revolıýtsııasy saqshylar krpýsynyń Ormýz buǵazyndaǵy kemege oq atýyna jaýap retinde jasalyp jatyr.
Buǵan deıin Islam revolıýtsııasy saqshylar korpýsy ruqsat etilmegen baǵytpen Ormýz buǵazynan ótpek bolǵan kemege eskertý retinde oq atqanyn málimdegen.
Osy oqıǵadan keıin Iran tarapy Ormýz buǵazynyń jabylǵanyn jarııalady.
Osyǵan deıin Oman men Iran Ormýz buǵazy boıynsha kelissózderdi jalǵastyrýǵa keliskeni týraly jazdyq.
