AQSh Iranǵa qarsy qurlyq kúshterin ornalastyrýdy josparlap otyrǵan joq – Aq úı
ASTANA. KAZINFORM – AQSh pen Izraıl arasynda Iranǵa qarsy aımaqta AQSh qurlyq áskerlerin ornalastyrýdy josparlap otyrǵan joq. Bul týraly Aq úıdiń baspasóz hatshysy Kerolaın Lıvıtt málimdedi, dep habarlaıdy Kazinform agenttiginiń Vashıngtondaǵy tilshisi.
Lıvıtttiń sózinshe, qazirgi ýaqytta mundaı operatsııa josparda joq, biraq AQSh prezıdenti nemese bas qolbasshy retinde áskerı nusqalardy tolyqtaı joqqa shyǵarýǵa bolmaıdy.
– Bul málimdeme Birikken shtabtar basshylarynyń tóraǵasy general Den Keınniń AQSh-tyń Iran aýmaǵyna birtindep kirýi týraly aıtqan ýáji men AQSh qorǵanys mınıstri Pıt Hegsettiń Tegeranǵa qarsy áskerı operatsııalardy bastaýǵa áli erte degen pikirinen keıin jasaldy, - dep habarlaıdy CNN.
Aq úıdiń baspasóz hatshysy Kerolaın Lıvıtt Donald Tramptyń kúrdtermen kelissózderi týraly suraqqa jaýap bere otyryp, prezıdenttiń keıingi kúnderi aımaqtaǵy birneshe odaqtastarymen jáne seriktesterimen baılanysta bolǵanyn aıtty. Ol Tramptyń kúrd jetekshilerimen Iraktyń soltústigindegi bazamen baılanysty máselelerdi talqylaǵanyn, biraq áli de kelisimge kelmegenin jetkizdi.
Sonymen qatar Tramp ákimshiliginiń sheneýnikteri kúrd jetekshilerimen Irak pen Irandaǵy toptardy Tegeran rejımin qulatý maqsatynda qarýlandyrý týraly kelissózder júrgizip jatyr. Bul týraly NBC News pen Axios habarlady.
Atalǵan aqparat kózderiniń málimetinshe, ırandyq oppozıtsııalyq toptarǵa qarý jetkizý jospary ázirge iske aspaǵan jáne bul usynys áli de qaralyp jatyr.
Buǵan deıin Iran Parsy shyǵanaǵyndaǵy AQSh munaı tankerine shabýyl jasalǵanyn málimdegen bolatyn.
