AQSh Iranǵa qarsy aýqymdy qarjylyq shabýylǵa daıyndalyp jatyr
ASTANA. KAZINFORM – AQSh 24 tamyzda Iranǵa qarsy aýqymdy qarjylyq sharalardy bastaýdy josparlap otyr. Bul týraly AQSh qarjy mınıstri Skott Bessent habarlady, dep jazdy TASS aqparat agenttigi.
Bessenttiń aıtýynsha, AQSh ákimshiligi Tegeranǵa jańa qysym jasaýǵa daıyndyqtyń sońǵy kezeńine aıaq basyp keledi. Ol aldaǵy sharalardy «burynǵy eń aýqymdy qarjylyq shabýyl» dep atady.
- Prezıdent Donald Tramp biz júginbeımiz dep oılaǵan barlyq vedomstvolar, qurylymdar jáne ókilettikterdi jumyldyrý úshin jaǵdaı jasady, - dep jazdy AQSh Qarjy mınıstri X áleýmettik jelisinde.
AQSh prezıdenti Donald Tramp buǵan deıin Iranǵa qarsy aýqymdy ekonomıkalyq operatsııa bastalǵanyn jarııalady. Onyń aıtýynsha, Vashıngton Islam Respýblıkasyn buryn-sońdy bolmaǵan deńgeıde ekonomıkalyq oqshaýlaýdy kózdep otyr.
Amerıka prezıdenti sondaı-aq qarjy mekemeleri, kásiporyndary, áýejaılary nemese memlekettik mekemeleri Irandy qoldaıtyn elder úshin aýyr zardaptar týraly eskertti.
Tegeran AQSh-tyń sanktsııalar saıasatyn «ekonomıkalyq lańkestik» dep atap, ony ázirleý men engizýge jaýaptylar jazalanýy kerek dep málimdedi.
Eske sala ketsek, osy aptada AQSh pen Iran arasyndaǵy maýsym memorandýmynyń 60 kúndik merzimi aıaqtaldy. Osy aralyqta taraptar soǵysty toqtatýǵa jol ashatyn kelisimge kelýge tıis bolǵan. Alaıda ondaı nátıje shyqqan joq. Shıelenis budan ári qalaı órbýi múmkin? Kazinform halyqaralyq sholýshysy osy suraqqa jaýap izdep kórdi.
