AQSh Iran munaıyn satýǵa berilgen ýaqytsha ruqsatty qaıtaryp aldy
ASTANA. KAZINFORM – AQSh Qarjy mınıstrligi Ormýz buǵazyndaǵy tankerlerge jasalǵan shabýyldardan keıin Iran munaıyna qatysty sanktsııalardy ýaqytsha jeńildetý týraly sheshimniń kúshin joıǵanyn málimdedi. Bul týraly VVS jazdy.
Mınıstrliktiń habarlaýynsha, Iranǵa munaı óndirýge, satýǵa jáne satyp alýshylarǵa jetkizýge múmkindik bergen ýaqytsha ruqsat keri qaıtaryldy.
Seısenbi kúni Saýd Arabııasy men Katar Irandy ózderiniń tankerlerine oq atqany úshin aıyptady. AQSh Qarjy mınıstrligi bul shabýyldardy «múldem jol berýge bolmaıtyn áreket» dep atady.
Soǵan qaramastan, halyqaralyq aqparat agenttikteriniń habarlaýynsha, AQSh ókili osy oqıǵalarǵa qaramastan Iranmen beıbit kelissózderdiń jalǵasyp jatqanyn málimdedi.
Iranǵa munaı óndirýge, satýǵa jáne eksporttaýǵa múmkindik bergen sanktsııalardy ýaqytsha jeńildetý sharasy AQSh pen Iran bıyl maýsymda qol qoıǵan ózara túsinistik týraly beıbit memorandým aıasynda qabyldanǵan.
Atalǵan memorandým taraptar qazir júrgizip jatqan túpkilikti beıbit kelisimge qol jetkizý jolyndaǵy alǵashqy qadam retinde qarastyrylǵan.
Aıta keteıik, AQSh pen Iran kelissózinde qandaı máseleler talqylanatynyn myna jerden oqyńyz.
Onyń aldynda Iran men AQSh bir-birine shabýyl jasamaýǵa taǵy da ýádelesken edi.
