AQSh Iran múddesine qarjy jymqyrýǵa baılanysty 10 jeke tulǵa men 27 kompanııaǵa sanktsııa engizdi
ASTANA. KAZINFORM — Shekteý sharalary Irannyń toǵyz jáne Qytaıdyń bir azamatyna qatysty qabyldandy, dep habarlaıdy TASS.
Amerıka Qurama Shtattary Iran bıliginiń múddesi úshin qarjy jymqyrýǵa qarsy kúres syltaýymen 10 jeke jáne 27 zańdy tulǵaǵa sanktsııa engizdi. Bul týraly AQSh Memlekettik departamentiniń baspasóz qyzmeti taratqan málimdemede aıtyldy.
AQSh bıliginiń málimetinshe, sanktsııaǵa ilikken kompanııalar men jeke tulǵalar birneshe mıllıard dollardy jymqyrýǵa múmkindik bergen syzbaǵa qatysqan. Bul áreket «AQSh-tyń sanktsııalarynan aınalyp ótip, munaı men ózge de taýarlardy satý arqyly» júzege asyrylǵan dep kórsetilgen.
AQSh Qarjy mınıstrliginiń Sheteldik aktıvterdi baqylaý basqarmasynyń saıtynda jarııalanǵan málimetke sáıkes, shekteý sharalary Irannyń toǵyz jáne Qytaıdyń bir azamatyna qatysty qoldanylǵan. Sonymen qatar, shekteý tizimine engen 27 kompanııanyń 17-si Gonkongte, 5-eýi Birikken Arab Ámirlikterinde jáne 5-eýi Iranda tirkelgen.
Sanktsııalyq tizimge engizilý AQSh-taǵy aktıvterdiń buǵattalýyn jáne amerıkalyq azamattar men kompanııalarǵa atalǵan tulǵalarmen iskerlik qatynas ornatýǵa tyıym salynýyn bildiredi.
Aıta ketelik Iran sanktsııalardy qaıtarý tetigi iske qosylǵan jaǵdaıda «qatań jaýap» qaıtarýǵa ýáde etken edi.