AQSh ınvestorlary Túrkistan oblysynda elimizde teńdesi joq jobany bastamaq
Túrkistan oblysy ákiminiń baspasóz qyzmetinen málim etkendeı, álemdik naryqta joǵary sapaly tehnologııasymen tanymal bolǵan áıgili kompanııa bul oraıda utymdy jobalaryn usynǵan bolatyn. Sonyń aıasynda «Turkestan agro.kz» kompanııasymen birlese Arys qalasynda 4 myń gektar jerde jańbyrlatyp sýarý ádisin engizip, mal azyǵyn egýdi qolǵa alady.
«Amerıkalyq ınvestorlar aımaqtyń egin sharýashylyǵy úshin qolaıly klımaty qyzyqtyryp otyr. Sheteldik iri kompanııa ıeleri ónimmen ishki naryqty qamtamasyz etýdi, eksportqa shyǵara otyryp, aımaqtyń ekonomıkalyq damý qarqynyn kóterýdi kózdeıdi. Arysqa nazary aýǵan AQSh ınvestorlarynyń tehnologııalary qashyqtyqtan basqarylyp, sý, elektr jaryǵyn tutynýda da óte únemdi. Birlesken joba eń aldymen, jańbyrlatyp sýarý júıelerin ornatý jáne qoldanystaǵy ınfraqurylymdy jetildirý jumystarymen bastalmaq. Sheteldik kompanııa ókilderi, sonymen qatar mal sharýashyly salasyn damytýǵa da óz úlesterin qospaq. Arpa men júgeri egip, mal sharýashylyǵyn damytpaq. Dálirek aıtqanda, 20 000 iri qara maldy bordaqylaýǵa arnalǵan ashyq alańdy salýdy josparlaýda», - dedi ákimdikten.
Ómirzaq Shókeev eki tarapqa da tıimdi ári óńirdiń ekonomıkasyna utymdy jobaǵa ákimdikten qoldaý kórsetiletinin atap ótti. Jáne elimizde teńdesi joq biregeı joba basqa aýmaqtarda jalǵasyn tabýy kerek ekenin eskerdi.
