AQSh ınvestory qazaqstandyq ІT-startapqa $1 mln kóleminde ınvestıtsııa quıdy
ASTANA. KAZINFORM – Amerıkalyq ınvestor qazaqstandyq ІT-startapqa 1 mln dollar kóleminde ınvestıtsııa quıdy. Bul týraly Qazaqstan Respýblıkasynyń tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev aıtty.
— Qujat aınalymy salasynda ınnovatsııalyq sheshimderdi engizýmen aınalysatyn keıbir kompanııalardyń ókilderin shaqyrdyq. Birinshi startap — SMS jáne basqa da tekserý ádisteri arqyly kelisimsharttar jasaýǵa kómektesetin TrustMe. Startap biz jyl saıyn Depeer ýnıversıtetimen birlesip júzege asyratyn Hero Training akseleratsııalyq baǵdarlamasyna qatysty. Sol arqyly startap jaqynda áıgili amerıkalyq vınchýplyq ınvestor Tım Dreıperden 1 mln AQSh dollary kóleminde ınvestıtsııa tartty. Osylaısha bizdiń ІT kompanııalarymyz iri sheteldik ınvestorlardyń nazaryn aýdarýda, - dedi ol Úkimet otyrysynda.
Mınısterdiń aıtýynsha, Tım Dreıper Teslo, SpaceX, Skype, Baidu sekildi iri kompanııalarǵa ınvestıtsııa salǵan.