AQSh ımporttaýshylarǵa Tramp engizgen baj salyǵynyń shamamen $100 mlrd-yn qaıtardy
ASTANA. KAZINFORM – AQSh prezıdenti Donald Tramp ákimshiligi keıin zańsyz dep tanylǵan ımporttyq baj salyǵy aıasynda óndirip alynǵan shamamen 100 mlrd dollardy ımporttaýshylarǵa qaıtardy. Qarajatty qaıtarý AQSh Joǵarǵy sotynyń sheshiminen keıin bastaldy, dep habarlaıdy TASS agenttigi.
AQSh-tyń halyqaralyq saýda jónindegi sotyna usynylǵan qujattarǵa sáıkes, ımporttaýshylarǵa osy ýaqytqa deıin shamamen 100 mlrd dollar aýdarylǵan. Bul zańsyz dep tanylǵan baj salyǵynan bıýdjetke túsken 166 mlrd dollardyń shamamen 60 paıyzyna teń.
Aqpan aıynda AQSh Joǵarǵy soty Halyqaralyq tótenshe ekonomıkalyq ókilettikter týraly zań (IEEPA) prezıdentke mundaı baj salyǵyn engizýge quqyq bermeıtinin málimdedi. Osydan keıin federaldyq sot bılikke ımporttaýshylardan óndirilgen qarajatty qaıtarýdy mindettedi.
Soǵan qaramastan, Tramp ákimshiligi osyǵan uqsas tarıf saıasatyn saqtap qalý úshin basqa quqyqtyq tetikterdi qoldaný múmkindigin qarastyryp jatyr.
Donald Tramptyń aıtýynsha, engizilgen baj salyǵy AQSh bıýdjetine «júzdegen mıllıard dollar» kiris ákelgen. Ol Joǵarǵy sot sheshiminen keıin ákimshilik tarıfterdi engizýdiń «basqa tásilin» qoldanýǵa májbúr bolǵanyn aıtty.
Aıta keteıik, buǵan deıin Amerıkanyń 25 shtaty Tramp ákimshiligin jańa tarıfterge baılanysty sotqa bergenin jazdyq.
