AQSh ımmýnıteti tómen adamdarǵa KVI-ge qarsy vaktsınanyń qosymsha dozasyn salmaq

NUR-SULTAN. QazAqparat - Afrıka kontınenti COVID-19 juqtyrǵandar sany boıynsha kóshbasshylar qatarynda. 12 tamyzdaǵy jaǵdaı boıynsha koronavırýstyq ınfektsııanyń 7 136 140 rastalǵan jaǵdaıy tirkeldi, dep habarlaıdy Afrıkanyń aýrýlardy baqylaý jáne aldyn alý ortalyǵy.

COVID-19 taralýyna jol bermeý jónindegi vedomstvoaralyq komıssııanyń Telegram kanalyndaǵy málimetterge qaraǵanda, qurlyqtaǵy pandemııa qurbandarynyń jalpy sany 179 986 adamdy qurady. COVID-19 jaǵdaılarynyń eń kóp sany tirkelgen elder - Ońtústik Afrıka Respýblıkasy, Marokko, Týnıs, Egıpet jáne Efıopııa.

AQSh tolyq ımmýndaý kýrsynan keıingi revaktsınatsııany qoldanady. Azyq-túlik jáne dári-dármek sapasy jónindegi basqarma ımmýnıteti tómen adamdar úshin vaktsınanyń úshinshi dozasyn qoldanýdy maquldady. Úshinshi doza retinde Pfizer jáne Moderna kompanııalarynyń preparattary qoldanylady.

«Basqarma koronavırýsqa qarsy Pfizer jáne Moderna vaktsınalaryn tótenshe jaǵdaılarda qoldanýǵa ruqsat berdi, bul keıbir ımmýnıteti tómen adamdarǵa qosymsha dozany qoldanýǵa múmkindik usynady», - delingen agenttiktiń saıtynda.