AQSh ımamy atyshýly Trampty meshitke shaqyrdy
ASTANA. QazAqparat - Aıova shtatyndaǵy (AQSh) Sıdar Rapıds qalasynyń Ana dep atalatyn (Mother Mosque) meshitiniń ımamdary atyshýly ıslamofob Donald Trampty ózderine qonaqqa shaqyryp otyr.
Olar osylaısha onyń musylmandardy jaqynyraq tanyp, jańylys basqanyn túsindirýge tyryspaqshy, dep jazady muslim.kz.
«Donald Tramp myrza! Bizge kelińiz, kórshilerińizdi jáne otandastaryńyzdy jaqynyraq tanı túsińiz», - deıdi meshit ımamy Taha Tavıl. Ol qazirgi ýaqytta atyshýly saıasatkerdiń BAQ betterinde kótergen keleńsizdikterine tosqaýyl qoıý úshin eń aldymen onyń musylmandardy jaqyn tanyǵany durys dep esepteıdi.
«Islam mádenıeti - súıispenshilik pen ózara túsinistiktiń, tózimdiliktiń mádenıeti. Biz onyń oıynda ne baryn túsingimiz keledi. Nege onyń sózderi jekkórýshilikke toly? Nege ol azamattardyń arasyna ot jaqqysy keledi? Osy úshin de biz onymen kezdesip, sóıleskimiz keledi», - deıdi ol.
