AQSh horeografy álemdik chempıonatqa qatysatyn komandasyna Astanadan bıshi tańdaıdy
ASTANA. QazAqparat - Elordada «Jastar» saraıynda 23-25 aqpan aralyǵynda búkilqazaqstandyq VI «Choreo» qazirgi zamanǵy horeografııa konkýrsy ótedi, dep habarlaıdy QazAqparat.
Qalalyq Mádenıet, muraǵattar jáne qujattama basqarmasynyń málimetinshe, baıqaýdyń qazylar alqasy quramyna tanymal amerıkalyq horeograf Greg Chapkıs (Greg Chapkis) engen. Ol «Choreo» baıqaýyna qatysýshylardyń arasynan AQSh-taǵy Word of dance LA búkilálemdik qazirgi zamanǵy horeografııa chempıonatynda óner kórsetetin komandasyna bıshilerdi tańdaıtyn bolady.
Sharaǵa elimizdiń eń myqty horeograftary men úzdik bıshileri qatysady. Bıyl konkýrsqa Astana, Almaty, Pavlodar, Ekibastuz, Atyraý, Aqtóbe, Petropavl jáne basqa da qalalardan myńǵa jýyq úmitker nıet bildirip otyr.
Konkýrstyń birinshi kúni balalar men jasóspirimder arasynda chempıonat ótedi, 24 aqpanda shaqyrylǵan horeograftar sheberlik sabaqtaryn ótkizedi. Al konkýrstyń sońǵy kúni jeńimpazdar anyqtalatyn bolady.
«Choreo» baıqaýynyń júlde qory 500 myń teńge. Qarjy úzdik bı komandalary men jeke oryndaýshylar arasynda úlestiriledi.
