AQSh: Hımııa zaýytyndaǵy jarylystan bolǵan órt qarttar úıi men mektepke aýysty, 70-ke jýyq adam qaza boldy
ASTANA. 18 sáýir. QazAqparat - Tehas shtatynyń Ýest qalasynda óndiris boıynsha hımııalyq kásiporynda bolǵan qýatty jyrylys saldarynan 60-tan 70-ke deıin adam mert boldy.
Bul týraly qalanyń jedel járdem qyzmetine silteme jasap jergilikti KWTX telearnasy habarlap otyr.
Zaýyttaǵy jarylys týraly aqparat jergilikti ýaqyt boıynsha 19:50-de túsken. Ammıaktyń jarylysynan keıin kásiporynda birden órt shyǵyp, jalyn áp-sátte kórshiles ornalasqan qarttar úıi men mektepke aýysty.
Qarttar úıiniń turǵyndary jalynnyń qaqpanyna túsip, odan barlyǵy shyǵa almady. Apattyń saldaryn joıýǵa tártip saqshylary, qutqarýshylar men dárigerler jumyldyryldy. Zardap shekkenderdi aýrýhanalarǵa jetkizý úshin 6 órt sóndirý tikushaǵy tartyldy.
Zardap shekkenderdiń sany birneshe júz adamdy quraıdy, olardyń deni jarqynshaq tıip jaralanǵan. Jarylys tolqyny 15 shaqyrym jerde sezildi, qalada 70 úı qırady.
Jergilikti turǵyndardyń aryzdaryna qaraǵanda, qutqarýshylar kásiporynda lańkestik oryn alyp, taǵy bir jarylys shyǵatynynan qaýiptenip, zardap shekkenderge qolǵabys etýge asyqpaǵan. Ázirge apattyń shyǵý sebepteri belgisiz.
