AQSh hantavırýs taraǵan krýız kemesinen 18 jolaýshyny evakýatsııalady
ASTANA. KAZINFORM - AQSh bıligi hantavırýs tirkelgen krýız kemesindegi 18 jolaýshyny evakýatsııalap, medıtsınalyq baqylaýǵa aldy.
Bul týraly Reuters habarlady.
AQSh Densaýlyq saqtaý jáne áleýmettik qyzmetter mınıstrligi málimetinshe, jolaýshylar AQSh aýmaǵyna jetkizilip, karantınge ornalastyrylǵan.
Resmı aqparatqa sáıkes, 16 adam Nebraska ýnıversıtetiniń medıtsınalyq ortalyǵyna jatqyzylǵan.
Qalǵan eki adam Atlanta qalasyndaǵy medıtsınalyq mekemede baqylaýda otyr.
Olardyń birinde aýrý belgileri baıqalǵan.
MV Hondius krýız kemesi And hantavırýsynyń taralýymen baılanysty atalyp otyr.
Bul — sırek jaǵdaıda adamnan adamǵa juǵýy múmkin hantavırýs túri.
Degenmen mamandar ınfektsııanyń negizgi tasymaldaýshysy kemirgishter ekenin aıtty.
AQSh vedomstvolary turǵyndar arasynda indettiń jappaı taralý qaýpi tómen ekenin málimdedi.
Óıtkeni vırýs juǵý úshin naýqaspen uzaq ári tyǵyz baılanys qajet.
Dúnıejúzilik densaýlyq saqtaý uıymy deregine sáıkes, krýız kemesinde jeti adamnan hantavırýs anyqtalǵan.
Medıtsınalyq baqylaýdaǵy jolaýshylar 42 kúnge deıin karantınde bolýy múmkin.
Buǵan deıin Argentınadan Kabo-Verdege baǵyt alǵan krýız kemesinde jeti adam vırýs juqtyrǵany habarlanǵan edi.
Olardyń úsheýi kóz jumǵan.
Sonymen qatar Izraılde Shyǵys Eýropadan oralǵan jolaýshydan alǵash ret hantavırýs tirkeldi.
Buǵan deıin DDU MV Hondius kemesindegi naýqastarmen baılanysta bolǵan adamdarǵa 42 kúndik karantın saqtaý jóninde keńes bergen.
Keıin Frantsııa men AQSh-qa evakýatsııalanǵan taǵy eki jolaýshydan hantavırýs anyqtalǵany habarlandy.
Osyǵan deıin hantavırýs anyqtalǵan krýızdik kemeden evakýatsııalanǵan sońǵy top Nıderlandqa ushatyny týraly jazdyq.
