AQSh Halyqaralyq qylmystyq sottyń Bas prokýroryna qarsy sanktsııa engizdi

ASTANA. KAZINFORM – AQSh-tyń Qarjy mınıstrligi prezıdent Donald Tramptyń buıryǵymen Halyqaralyq qylmystyq sottyń Bas prokýrory, Ulybrıtanııa azamaty Karım Handy sanktsııalar tizimine engizdi, dep habarlaıdy VVS. 

AQSh Qarjy mınıstrliginiń Sheteldik aktıvterdi baqylaý basqarmasy (OFAC) beısenbide Hanǵa qarsy sanktsııalar salynǵanyn, onyń AQSh-taǵy aktıvterine, elge kirýine tyıym salǵanyn jarııalady. 

Donald Tramp Hanǵa jáne bolashaqta HQS-tyń basqa qyzmetkerlerine qarsy sanktsııalar engizý týraly jarlyqty 6 aqpanda shyǵardy. 

Tramptyń motıvatsııasyna HQS ótken jyly Izraıl premer-mınıstri Bınıamın Netanıahý men Izraıldiń sol kezdegi qorǵanys mınıstri Ioav Gallantty qamaýǵa alýǵa order bergeni sebep boldy. 

AQSh ta, Izraıl de HQS jarǵysy – «Rım statýty» dep atalatyn qujatqa qol qoıǵan joq jáne onyń ıýrısdıktsııasyn moıyndamaıdy. 

2023 jyldyń naýryzynda HQS Hannyń bastamasymen Reseı prezıdenti Vladımır Pýtın men Reseıdiń balalar quqyqtary jónindegi ýákili Marııa Lvova-Belovany ýkraındyq balalardy zańsyz deportatsııalady dep aıyptap, tutqynǵa alý týraly order shyǵardy. 

Buǵan deıin AQSh Halyqaralyq qylmystyq sotqa qarsy sanktsııalar engizgenin jazǵan bolatynbyz.