AQSh gıperdybystyq tehnologııalardy synaıtyn qurylǵyny iske qosty

ASTANA. KAZINFORM — American Electron zymyrany AQSh-tyń zymyranǵa qarsy qorǵanys agenttigi úshin gıperdybystyq tehnologııalardy synaýǵa arnalǵan qurylǵyny iske qosty. Bul týraly Report agenttigi jazdy.

— Qurylǵyny iske qosýdaǵy maqsat zymyranǵa qarsy qorǵanystyń ozyq tehnologııalaryn synaý arqyly otandy qorǵaýdaǵy ulttyq múddelerdi ilgeriletý, — delingen habarlamada.

«Van» qupııa mıssııasyn oryndaıtyn elektrondyq zymyran Vırdjınııa shtatynyń Atlant muhıty jaǵalaýyndaǵy Ýollops aralynda ornalasqan NASA-nyń Ýollops ǵarysh aılaǵynan ushyryldy. 

Qurylǵy týraly egjeı-tegjeı aqparat shyqqan joq. 

Rocket Lab kompanııasynyń málimetinshe, onyń tasymaldaýshydan 80 shaqyrym bıiktikte bólinýi sátti ótti.

Bul gıperdybystyq tehnologııalardy synaýǵa arnalǵan altynshy reıs. Birinshisi 2023 jyldyń maýsymynda, ekinshisi jáne úshinshisi ótken jyldyń qarasha jáne jeltoqsan aılarynda, tórtinshi jáne besinshileri osy jyldyń qyrkúıek aıynda júzege asyryldy.

Aıta keteıik, buǵan deıin AQSh Tramptyń tapsyrmasynan keıin alǵash ret ballıstıkalyq zymyran synaǵyn ótkizetini týraly jazdyq.