AQSh ǵalymy ekonomıka boıynsha Nobel syılyǵynyń laýreaty atandy
ASTANA. QazAqparat - 2015 jyly ekonomıka boıynsha Nobel syılyǵynyń laýreaty bolyp AQSh-ǵy Prıston ýnıversıtetiniń professory Angýs Dıton tanyldy. Ǵalym bul syılyqty «tutyný, kedeıshilik jáne ál-aýqat taldaýy» úshin alǵan.
Shvetsııa koroldik ǵylym akademııasynyń pikirinshe, Dıtonnyń jumystary qatardaǵy tutynýshylardyń óz shyǵyndaryn úlestirý týraly sheshimderdi qalaı qabyldaıtynyn, sondaı-aq qandaı da bir taýarǵa suranys onyń baǵasy jáne tutynýshylar tabysynyń deńgeıine qalaı baılanysty bolyp otyratynyn jaqsyraq túsinýge kómektesedi.
Dıtonnyń sonaý 1980 jyldary jasap shyǵarǵan ádisi bizdiń zamanymyzda ekonomıkalyq teorııada da, tájirıbede de standartty qural bolyp tabylady.
Dıton - Edınbýrgtyń týmasy, eki azamattyǵy bar - Ulybrıtanııa men AQSh-ta, Prıston ýnıversıtetiniń ekonomıka fakýltetiniń ekonomıka professory, buryn Anglııadaǵy Brıstol jáne Kembrıdj ýnıversıtetterinde qyzmetter atqarǵan. Brıtanııa akademııasy, Ekonometrııalyq qoǵam jáne Amerıkanyń óner jáne ǵylym akademııasynyń múshesi bolyp tabylady.
