AQSh ǵalymdary júregine ota jasatqan adamǵa eń keregi ne ekenin anyqtady
ASTANA. QazAqparat - AQSh-tyń Mıchıgan ýnıversıteti ǵalymdary júrgizgen zertteý jumysyna kardıohırýrgııa bóliminde em alyp jatqan 1576 patsıent qatysty. Zertteý júrgizilgen merzimde olardyń 65 paızy nekede, 12 paıyzy ajyrasqan, 21 paıyzy jesir, 2 paıyzy turmys qurmaǵan edi. Ǵalymdar qatysýshylardan júrek otasynan keıin suraq-jaýap alyp, birshama ýaqyt zertteý júrgizdi, dep jazady The Daily Mail.
Zertteý nátıjesi boıynsha, otadan keıin kútimine baılanysty otbasyly patsıentterdiń tek 19 paıyzy ǵana dúnıeden ozsa, ajyrasqandardyń 29 paıyzy, jesirlerdiń 34 paıyzy, boıdaqtardyń 20 paıyzy qaıtys bolyp ketken. Ásirese, ajyrasqandardyń 40 paıyzy júrek otasynan keıin 2 jyldan soń mert bolǵan.
Osydan keıin mamandar, otbasyly adamdarǵa júrek otasynan keıin bir birine járdem berip, kómektesýdi surady.
