AQSh ǵalymdary ushqyshsyz basqarylatyn ushaqtyń basqarý júıesine ózgeris engizdi
ASTANA. 1 shilde. QazAqparat - Ostındegi Tehas ýnıversıtetiniń ǵalymdary AQSh-tyń Іshki qaýipsizdik mınıstrligimen bástesip, ushqyshsyz ushý apparattarynyń birine sátti baǵdarlama jasady.
«Rýsskaıa slýjba VVS» málim etkendeı, mınıstrlik ushqyshsyz ushatyn ushaqty baqylaý júıesin buzyp, ony basqa da qyzmetterdi atqaratyndaı etip jasaıtyn kez kelgen adamǵa 1000 dollar berýdi ýáde etken. Birinshi bolyp buǵan tehastyq mamandar qol jetkizgen. Ǵalymdar basqarý júıesin «spýfıng» dep atalatyn tásilmen (aǵylshynnyń spoof - «aldaý») júzege asyrǵan. Bul ádiske saı, apparat hakerlerden keletin sıgnaldardy «óziniń» spýtnıginiń sıgnaly retinde qabyldaıdy. Tehas ýnıversıteti janyndaǵy Radıonavıgatsııa zerthanasynyń ǵalymy Todd Hamfrız ben onyń áriptesteri jasap shyǵarǵan qashyqtyqtan basqarylatyn shaǵyn tikushaq ýnıversıtetke tıesili jáne beıbit maqsatta, atap aıtqanda, alqapty sýarý úshin qoldanylǵan, dep habarlaıdy Eýrazııa birinshi arnasy.
Endi kóptegen sarapshylar ǵalymdar sátti utyp shyqqan bás - ushqyshsyz ushatyn ushaqty paıdalanýdyń qaýipti ekendiginiń taǵy bir dáleli deıdi. Bir top amerıkalyq ǵalymdardyń aıtýynsha, áskerı maqsatta paıdalanylmaıtyn mundaı ushaqtar eger onyń basqarý júıesin buzyp, eldimekenderge qaraı baǵyttasa, turǵyndar úshin qaýip tóndiredi dep sanaıdy.
