AQSh ǵalymdary gazdalǵan sýsyndardy ishýge úzildi-kesildi qarsy shyqty
ASTANA. QazAqparat - Bostondaǵy (AQSh) Tafts ýnıversıtetiniń bir top ǵalymy tátti gazdalǵan sýsyndarǵa tyıym salýǵa shaqyrýda. Óıtkeni, olar kóptegen adamnyń ajalyna sebep bolady eken, dep habarlaıdy 24.kz «epochtimes.ru» saıtyna silteme jasaı otyryp.
Ǵalymdar sońǵy 30 jyl boıy júrgizgen jumystarynyń nátıjelerin qorytyndylady. Onyń barysynda álemniń 50 elinde turatyn 611 myńnan asa adamnyń densaýlyǵy baqylanyp, qaıtys bolý sebepteri zerttelgen. Aqyry gazdalǵan sýsyndardyń jylyna 184 myń adamnyń ómirin qııatyndyǵy anyqtaldy. Bul sýsyndar dıabet pen júrek aýrýlaryn týdyrady. Sondaı-aq, onkologııalyq dertterge de solar sebep. Medıtsınalyq mamandar búkil álem boıynsha gazdalǵan sýsyn óndirisin qysqartyp, ony shekten tys ishýdi doǵarýǵa úndep otyr. Kerisinshe bolǵan jaǵdaıda, is nasyrǵa shabýy múmkin.
