AQSh ǵalymdary bal aralarynyń jappaı qyrylýyna qatysty Eýropany aıyptady
ASTANA. QazAqparat - AQSh-ta bal aralarynyń qyrylýyna eýropalyq aralar kinály degen tujyrym jasaldy. Ǵalymdar zertteý jumystarynyń qorytyndysyn «Science» jýrnalyna jarııalady, dep habarlady «BBC News».
Ǵalymdardyń zertteýinshe, indettiń taralýyna álemde jándikterdi saýdalaý sebep bolǵan. Sebebi, «Varroa destructor» atalatyn kene osy jándik saýdasymen muhıt asyp kelgen. Mundaı tujyrymdy ǵalymdar jahandyq genetıkalyq zertteý júrgizgennen keıin jasady.
Genetıkterdiń pikirinshe, keneniń taralý baǵyty tabıǵı emes, jasandy jolmen júzege asyp otyr. «Varroa destructor» derekózinde ǵalymdar indet Eýropadan Soltústik Amerıka men Jańa Zelandııaǵa jetkenin aıtady.
