AQSh ǵalymdary: Áıeldiń qalypty júktiligi 10 aıǵa sozylýy tıis
ASTANA. QazAqparat - Adamzat balasy úshin júktiliktiń qalypty uzaqtyǵy barlyǵy oılap júrgendeı toǵyz emes, on aıǵa sozylýy tıis. Mundaı pikirdi Amerıkadaǵy Soltústik Karolına ýnıversıtetiniń ǵalymdary bildirdi.
Zertteýge óz erikterimen qatysqan 125 áıeldiń júktiligin zertteý barysynda budan basqa da qyzyqty faktiler anyqtaldy, dep jazady Rosbalt.
Atap aıtqanda, áıelderdiń tek 4 paıyzy ǵana dárigerlerdiń boljam jasaǵan merziminde bosanady. Kóbi balalaryn dúnıege aldyn ala qoıylǵan merzimnen keıin on kún ótken soń ákeledi. Zertteýge qatysqan áıelderdiń shamamen 70 paıyzynda osyndaı oqıǵa bolǵan.
Budan basqa, anasynyń árbir jasy onyń júktilik merzimin bir kúnge uzartady. Júktilik uzaqtyǵy áıeldiń bosaný kezindegi salmaǵyna da baılanysty: normadan tys árbir 100 gramm merzimge bir kúnnen qosyp otyrady.
