AQSh ǵalymdary adamnyń qartaıǵanda aljıtynyn 20 jasynda-aq bilýge bolatynyn anyqtady
ASTANA. QazAqparat - Altsmeıger (aljý) aýrýynyń belgilerin adamnyń 20 jasynda-aq anyqtaýǵa bolady. AQSh ǵalymdary jańa ǵylymı-zertteý jumystarynyń nátıjesinde osyndaı tujyrymǵa kelip otyr. Demek, bul - aýrýdyń biz oılaǵan ýaqyttan aıtarlyqtaı erte paıda bolatynyn bildiredi degen sóz, dep jazady Meddaily.
Altsmeıger aýrýyna jáne dementsııanyń ózge de formalaryna, boljam boıynsha, 2050 jylǵa qaraı 44 mıllıon adam shaldyǵady. Óıtkeni, Jer shary turǵyndarynyń aǵzasy túrli faktorlarǵa baılanysty tez qartaıyp barady jáne kóptegen aýrýlarǵa em tabylmaı otyrǵany jasyryn emes.
Chıkagodaǵy Soltústik-batys ýnıversıtetiniń qyzmetkerleri Altsmeıger aýrýyna shaldyqqan jáne onymen aýyrmaı aqyl-esi saý kúıinde qaıtys bolǵan egde jastaǵy adamdardyń mıyn zerttedi. Sondaı-aq, 20-66 jas aralyǵyndaǵy 13 adamǵa da synaq júrgizdi.
Test kórsetkendeı, ýlandyrǵysh aqýyz - beta-amıloıd Altsmeıger aýrýy kezinde 20 jastan bastap-aq mıda jınala bastaıtyny anyqtaldy. Buryn bul shoǵyrlaný aýrý belgisiniń bilinýine deıin 15-20 jyl buryn ǵana qalyptasa bastaıdy dep eseptelip kelgen. ıAǵnı, adam 80 jasynda aljyp ketse, aýrý 65-70 jastarynda alǵashqy belgilerin beredi deıtin. Alaıda, olaı bolmaı shyqty. Osy arada, beta-amıloıd aıtarlyqtaı jas adamdardyń mılaryndaǵy este saqtaý jáne kóńil bólýge jaýap beretin neırondarda da bolatyny anyqtalyp, ǵalymdardy tańqaldyrdy. Demek, bul aýrý da «jasaryp» keledi degen sóz.
