AQSh: FTB qyzmetkerleri ushaq bortynda ıogamen aınalysqan jolaýshyny qamaýǵa aldy
ASTANA. QazAqparat - AQSh-tyń Federaldyq tergeý bıýrosynyń qyzmetkerleri Gavaıı shtatynan Japonııaǵa qaraı ushyp bara jatqan ushaqtyń bortynda ıogamen aınalysqan jolaýshyny qamaýǵa aldy. Bul týraly Associated Press agenttigi habarlady.
Onyń málimetterinshe, ushaq áýege kóterilgennen keıin kóp uzamaı er adam jolserikke aıqaılap, qasynda otyrǵan zaıybyn ura bastaǵan. Keıinnen ol ushaqtyń artqy jaǵyna baryp, ol jerde medıtatsııa jasap, ıogamen aınalysa bastaǵan. Sondaı-aq, er adam ornyna otyrýdan bas tartqan, ózin aqylǵa keltirmek bolǵan birneshe jolaýshyny tistep alǵan.
Aqyry ekıpaj komandıri ushaqty keri buryp, ony qaıtadan Gavaı áýejaıyna qondyrady. Ol jerde tártip buzýshy FTB-nyń qyzmetkerlerine tapsyryldy. Oǵan jolaýshylardyń áýe reısterinde qaýipsizdik erejelerin buzǵany úshin aıyp taǵyldy.
