AQSh Frantsııaǵa 17 jyl buryn joǵalyp ketken Pıkassonyń kartınasyn qaıtarady
ASTANA. QazAqparat - Beısenbi kúni Amerıkanyń bılik kózderi Frantsııaǵa ıspan sýretshisi Pablo Pıkassonyń 17 jyl buryn urlanǵan «Shashtaraz áıel» atty kartınasyn qaıtarady, dep habarlady beısenbi kúni parıjdik BAQ.
Ol Frantsııanyń Vashıngtondaǵy elshiligine tapsyrylady.
Ótken jyldyń qysynda amerıkalyq kedenshiler tárkilegen óner týyndysynyń baǵasy shamamen 15 mln. dollardy quraıdy.
Sheneýnikterdiń aıtýynsha, joǵalǵan kartına salynǵan sálem-saýqat Belgııadan jiberilip, kedendik maǵlumdamasynda onyń ishinde quny nebári 34 dollarlyq óner týyndysy jatqany jazylǵan.
«Shashtaraz áıel» týyndysy Parıjdegi Qazirgi zaman óneri memlekettik murajaıynyń toptamasyna kirgen.
Kartına Jorj Pampıdý atyndaǵy Ulttyq óner jáne mádenıet ortalyǵynda saqtaldy, alaıda 1998 jyly belgisiz jaǵdaıda joǵalyp ketken. Ónerdegi úzdik týyndynyń qoldy bolǵany týraly tek 2001 jyly habarlandy.
