AQSh fermerlerine kedendik baj esebinen 12 mlrd dollar kómek beriledi

ASTANA. KAZINFORM — Donald Tramp amerıkalyq fermerlerge 12 mıllıard dollar kómek bólinetinin jarııalady, dep habarlaıdy NBC News.

Tramp bul qarajatty tarıften jınalǵan bıýdjet kirisinen bólinetinin aıtty.

— Bul jeńildik fermerlerge bıylǵy egindi satyp, kelesi jylǵy eginge daıyndala alatyndaryna senimdilik beredi, — dedi Tramp.

AQSh prezıdenti sonymen qatar bul shara amerıkalyqtar úshin azyq-túlik baǵasyn tómendetýge kómektesetinin málimdedi.

Tramp mashına jasaý kompanııalaryna baqylaýdy jeńildetýge ýáde berdi.

— Biz mashına jasaý óndirisinde qoldanylatyn kóptegen ekologııalyq shekteýlerdi alyp tastaımyz, — dedi AQSh prezıdenti.

AQSh aýyl sharýashylyǵy mınıstri Brýk Rollınz qarajat fermerlerge kelesi jyldyń 28 aqpanyna deıin tólenetinin málimdedi. Saýda soǵysy amerıkalyq fermerlerge soqqy berip, satyp alýlardy jappaı toqtatýǵa ákelgennen keıin Qytaı amerıkalyq soıany satyp alýdy qaıta bastady. Buryn qol jetkizilgen kelisimderge sáıkes, Beıjiń 12 mıllıon tonna soıa satyp alýdy josparlap otyr.

Buǵan deıin Donald Tramp pen Sı Tszınpınniń kezdesýinen keıin Qytaıdyń AQSh-tan qaıtadan soıa satyp ala bastaǵany habarlanǵan edi.