AQSh Federaldy tergeý bıýrosy iPhone telefonyn «buzǵany» úshin 1,3 mln dollardan astam shyǵynǵa qaldy
ASTANA. QazAqparat - «San-Bernardıno atqyshy» Saıd Farýktyń «iPhone» uıaly telefonyn buzyp, zańsyz ondaǵy aqparatqa qol jetkizgeni úshin Federaldy tergeý bıýrosy (FTB) 1,3 mln dollardan astam qarajatynan aıyryldy, dep habarlady «VVS» agenttigi.
Eske sala keteıik, FTB Farýktyń telefonyn buzý úshin «iPhone» shyǵarýshy - «Apple» kompanııasymen sottasqan bolatyn. Tergeýshiler sot arqyly kompanııany FTB-nyń smartfondaǵy aqparatqa qol jetkizýge kómektesýine mindettegen.
Sot FTB jaǵynda boldy, alaıda «Apple» sheshimge shaǵymdanyp, apellıatsııa qorytyndysyna qaramastan, FTB-nyń bul talabyn oryndamaıtynyn málimdedi. Óıtkeni, kompanııanyń aıtýynsha, bul óz paıdalanýshylarynyń jeke quqyǵyn buzady.
Kompanııany ózge kóptegen IT alyptary qoldady, alaıda shaǵymdy qaraý qajet bolmady. Óıtkeni, FTB telefondy ózdiginshe buzǵanyn aıtyp, óz shaǵymyn qaıtaryp alǵan bolatyn.
