AQSh federaldy rezerv júıesi stavkasyn nólge deıin tómendetti
VAShINGTON. TASS – QazAqparat – AQSh-tyń federaldy rezerv júıesi koronavırýsqa qarsy kúresten týyndaǵan qaýip-qaterge baılanysty stavkasyn tómendetti. Bul jaıynda keshe Ashyq naryqtaǵy operatsııalar jónindegi federaldyq komıtet málim etti, dep habarlaıdy TASS agenttigi.
«Koronavırýs saldary ekonomıkalyq jaǵdaıǵa áser ete beredi jáne bul ekonomıkalyq perspektıva úshin asa qaýipti. Jaǵdaıdyń ýshyǵýyna baılanysty komıtet federaldy qor boıynsha stavkanyń maqsatty dıapazonyn 0-0,25% deıin tómendetýdi jón dep tapty» delingen habarlamada.
Komıtet ekonomıkanyń sońǵy oqıǵalarǵa shydas berip, jumyspen qamtý jáne baǵa turaqtylyǵy boıynsha maksımaldy deńgeıdiń maqsatty kórsetkishterine qol jetkizýge daıyn ekenine senimdi bolmaıynsha osy dıapazondy saqtap qalady.
Onyń ústine FRJ kólemdik jumsartý saıasatyna kóshedi. Júıe 700 mlrd dollarǵa qosymsha oblıgatsııalar satyp alady. Onyń 50 mlrd dollary – AQSh qazyna qaǵazdaryna tıesili.
