AQSh federaldy rezerv júıesi koronavırýsqa baılanysty stavkasyn tómendetti
VAShINGTON. QazAqparat - Seısenbi kúni AQSh-tyń federaldy rezerv júıesi 50 bazıstik tarmaq boıynsha negizgi stavka 1-1,25 paıyzǵa deıin tómendegenin málimdedi, dep habarlaıdy QazAqparat euronews.com silteme jasap.
Amerıka federaldy rezerv júıesiniń bul qadamy jospardan tys boldy, óıtkeni otyrys 17-18 naýryzda ótýge tıis edi. FRJ bul sheshimin ekonomıkaǵa qosymsha qaýip tóndirip otyrǵan koronavırýstyń taralýyna baılanysty dep túsindirdi.
Federaldyq rezerv júıesi sońǵy on jyldan astam ýaqyttan beri birinshi ret shuǵyl jınalyp, arnaıy keńes ótkizdi. Stavkanyń birden jarty paıyzǵa ózgerýiniń ózi kútpegen jańalyq boldy.
