AQSh Federaldyq rezerv júıesi bazalyq mólsherlemeni ózgerissiz qaldyrdy
ASTANA. KAZINFORM – AQSh-tyń Federaldyq rezerv júıesi (FRJ) shilde aıyndaǵy otyrystyń qorytyndysy boıynsha federaldyq qorlar mólsherlemesiniń nysanaly dıapazonyn 3,5–3,75% deńgeıinde saqtap qaldy.
Federaldyq ashyq naryq operatsııalary komıtetiniń (FOMC) málimdeýinshe, sheshim kópshilik daýys boıynsha qabyldandy. Komıtettiń toǵyz múshesi mólsherlemeni ózgerissiz qaldyrýdy qoldasa, úsheýi qarsy daýys berdi.
FRJ málimetinshe, Taıaý Shyǵystaǵy qaqtyǵysqa baılanysty belgisizdik saqtalǵanyna qaramastan, AQSh ekonomıkasy turaqty ósim kórsetip otyr. Eńbek ónimdiligi men kapıtaldyq ınvestıtsııalar kólemi joǵary deńgeıde qalyp, jumyspen qamtý eńbek resýrstarynyń ósýine sáıkes artyp keledi. Jumyssyzdyq deńgeıi de aıtarlyqtaı ózgergen joq.
Sonymen qatar retteýshi ınflıatsııanyń áli de 2 paıyzdyq maqsatty deńgeıden joǵary ekenin atap ótti. Buǵan usynysqa baılanysty kúızelister men energetıka sııaqty jekelegen sektorlardaǵy baǵanyń ósýi áser etken. FRJ ınflıatsııany maqsatty deńgeıge qaıtaryp, baǵa turaqtylyǵyn qamtamasyz etýge nıetti ekenin málimdedi.
Komıtet músheleri Bet Hemmak, Nıl Kashkarı jáne Lorı Logan qabyldanǵan sheshimge qarsy daýys berip, bazalyq mólsherlemeni 0,25 paıyzdyq tarmaqqa kóterýdi usyndy.
