AQSh Federaldyq qor júıesi stagflıatsııa týraly eskertti

ASTANA. KAZINFORM – AQSh Federaldyq qor júıesi prezıdent Donald Tramptyń tarıftik jospary engizilgennen keıin jumyssyzdyq pen ınflıatsııanyń ósý yqtımaldyǵy artýyna baılanysty paıyzdyq mólsherlemelerdi ózgerissiz qaldyrady, dep NBC News. 

Ortalyq banktiń federaldyq qor boıynsha mólsherlemesi 4,25-4,5% maqsatty deńgeıde saqtaldy. 

FQJ sońǵy baǵalaýynda tarıfterge silteme jasamaı turaqsyz saýda belsendiligi onyń saıası sheshimder qabyldaý kezinde súıenetin ekonomıkalyq derekterge áser etkenin atap ótti. 
Esepte jalpy ekonomıkalyq belsendilik artyp, eńbek naryǵyndaǵy jaǵdaıy «turaqty» bolǵanymen, ınflıatsııanyń «birshama kóterilgeni», al jumyssyzdyq pen ınflıatsııanyń joǵarylaý qaýpi artqany aıtylǵan.

FQJ tóraǵasy Djerom Paýell tarıfterden týyndaǵan ınflıatsııa tarıfterdiń qanshalyqty joǵary bolatynyna jáne olardyń qanshalyqty uzaqqa sozylatynyna baılanysty qysqa merzimdi nemese uzaq merzimdi bolýy múmkin ekenin málimdedi. 

Inflation Insights konsaltıngtik kompanııasynyń prezıdenti Omaır Sharıf FQJ «qazir stagflıatsııalyq orta qaýpi bar ekenin anyq bildirgenin» habarlady jáne sáýirdegi sońǵy otyrystan keıin belgisizdik «budan da kóp» óskenin atap ótti. 

Investorlardyń shamalaýynsha, FQJ paıyzdyq mólsherlemelerdi maýsym aıyndaǵy kelesi otyrysyna deıin ustap turady dep senedi, al 2025 jyldyń birinshi tómendeý shildede kútilip otyr. 

Qaıtar aıynda AQSh Federaldyq qor júıesi paıyzdyq mólsherlemeni ózgerissiz qaldyrǵanyn habarlaǵan bolatynbyz.