AQSh Federaldyq qor júıesi paıyzdyq mólsherlemeni ózgerissiz qaldyrdy

ASTANA. KAZINFORM – AQSh-tyń Federaldyq rezervtik júıesi (FQJ) mólsherlemeni 4,25-4,50 paıyz deńgeıinde qaldyrdy.

FQJ málimdemesine sáıkes, sońǵy derekter ekonomıkalyq belsendiliktiń turaqty túrde ósip kele jatqanyn kórsetti. Sondaı-aq sońǵy aılarda jumyssyzdyq tómendep keledi, al eńbek naryǵyndaǵy jaǵdaı turaqty. 

Inflıatsııa azdap joǵarylaǵan, delingen habarlamada.

- Komıtet (AQSh Federaldyq qor júıesiniń Federaldyq ashyq naryq komıteti) uzaq merzimdi perspektıvada maksımaldy jumysbastylyqqa jáne 2% ınflıatsııa deńgeıine jetýdi maqsat etip otyr. Komıtet bul maqsattarǵa qol jetkizýdegi táýekelder jalpy alǵanda teńdestirilgen dep sanaıdy. Bul rette ekonomıkalyq boljam belgisiz bolyp qalyp otyr, - delingen AQSh Federaldy qor júıesiniń málimdemesinde.

Komıtet óz maqsattaryn qoldaý úshin federaldyq qorlar mólsherlemesiniń maqsatty dıapazonyn 4,25%-dan 4,5%-ǵa deıin saqtaýǵa sheshim qabyldady.

Osyǵan deıin AQSh tarapynan qabyldanyp otyrǵan sheshimderdiń ózge elderge áseri jóninde saraptamalyq materıal jarııalandy.