AQSh Federaldyq qor júıesi paıyzdyq mólsherlemeni ózgerissiz qaldyrdy
ASTANA. KAZINFORM – AQSh Federaldyq qor júıesi ınflıatsııanyń ósýi aıasynda bazalyq paıyzdyq mólsherlemeni ózgerissiz qaldyrdy. Biraq komıtet músheleriniń jartysyna jýyǵy osy jyldyń sońynda mólsherlemeni kóterýdi qoldaıtynyn málimdedi, dep habarlaıdy Business Standard.
Jańa toqsandyq boljamdarǵa sáıkes, FQJ toǵyz ókili endi 2026 jyldyń sońyna deıin mólsherlemeniń kóterilýin kútip otyr. Aqsha-nesıe saıasaty týraly jańartylǵan málimdemede bıyl qaryz alý qunynyń odan ári tómendeýi yqtımaldyǵyn kórsetetin anyqtamalar alynyp tastaldy.
Boljamǵa sáıkes, ótken jyldyń jeltoqsan aıynan beri 3,50-3,75% aralyǵynda bolǵan negizgi paıyzdyq mólsherleme osy jyldyń sońyna deıin shırek paıyzdyq pýnktke ósedi.
2026 jyldyń sońyna arnalǵan ınflıatsııa boljamy 2,7%-dan 3,6%-ǵa deıin kóterildi, kelesi jyly 2,3%-ǵa deıin tómendeıdi dep boljanyp otyr.
Ekonomıkalyq ósim azdap baıaýlady, al jumyssyzdyq deńgeıi FQJ naýryz aıyndaǵy boljamyna sáıkes jyl sońyna qaraı 4,4%-dy quraıdy dep kútilip otyr.
Osyǵan deıin AQSh-ta ınflıatsııa mamyr aıynda 4 paıyzdan asqanyn habarladyq.
